Говийн ТХГН-ын 4 Хамгаалалтын захиргаадын албан хаагчид Хангай бүсийн ТХГН-т туршлага солилцох уулзалт аялал хийлээ. Тэдэнд Хамгаалалтын захиргааны үйл ажиллагааг танилцуулж 1 өдрийн хоолоор дайлж, Орхоны хөндийн БЦГ баримтат кино үзүүллээ. 

Ховд аймгийн ТХГН-ын Хамгаалалтын 3 захиргаа, БОАЖГ-ын мэргэжилтнүүд болон аялал жуулчлал эрхлэгч иргэдийн төлөөлөл Орхоны хөндийн БЦГ-т туршлага солилцох, сургалтанд хамрагдах зорилгоор 7 шөнө 8 өдрийн аялалыг тус бүс нутагтаа хэрэгжиж байгаа GIZ Spaces төслийн дэмжлэгээр амжилттай зохион байгууллаа. Уулзалт сургалт Хархорин сумын Мөнхтэнгэр жуулчны баазад болж Орхоны хөндийн БЦГ - ын аялал жуулчлалын менежмент, аялал жуулчлалд нутгийн иргэдийн оролцоо, сайн туршлага, сургамж сэдвээр Аялал жуулчлал газар ашиглалт мэдээлэл сургалт сурталчилгаа, орчны бүс хариуцсан мэргэжилтэн Р. Амартүвшин илтгэл тавьж оролцогчдын асуултанд хариуллаа. Аялалд оролцогчид Хүрхрээд аялал жуулчлал эрхлэгч бүлэг нөхөрлөл болон отоглох цэгийн үйл ажиллагаатай танилцах аялал хийлээ.